sowatmak

işlik

1) Gyzgyn zady sowuk etmek, temperaturasyny aşaklatmak.

∙ Çagalara gaýnan suwy sowadyp aram-aram berip durmaly. («Sowet Türkmenistanynyň Aýallary» žurnaly)

2) Bir zada bolan höwesi gaçyrmak, birinden ýa-da bir zatdan göwni geçirmek, yhlasy peseltmek.

∙ Bolgusyz gürrüňler onuň elini işden sowatdy.

Ýazuw düzgüni: Soňuna çekimli ses bilen başlanýan goşulmalar ýa-da -ýar goşulmasy goşulanda, t sesi d sesine öwrülýär.

Meselem sowatmak - sowadýar, sowadar, sowadypdyr.